Muqdisho,(insidesomalia.org)- Qaar ka mid ah waalidiinta Dadka ku barakacay inta u dhexeeysa Muqdisho Afgooye ayaa waxaa ay ka cabanayaan gaadiidka Blka ah ee isaga kala goosha wadadada isku xirta Magaalooyinkaasi oo ay sheegeen in ay darawalada si aan xadlaheeyn u wadaan, taasi oo dhibaatooyin ay ka soo gaaraan caruurta ay dhaleen marka ay wadooyinkaasi isticmaalayaan.

Darawalada Gaadiidkaasi wada oo si xoowli ah u kexeeya Gaadiidkooda ayaa waxaa ay sababtaa in maalin waliba ay keento in ay waxyeelo geeystaan.

Haweeneey ka mid ah waalidiinta caruuta ku barakacaday deegaanka Ceelsha Biyaha oo Saxaafada ay wareysatey ayaa waxaa ay sheegtay in walwalka ugu balaaran ee ay qabaan in ay tahay caruutooda marka ay goobaha waxbarashada u diraan in ay dhibaato ka soo gaarto gaadiidka isticmaalaya wadadasi.

Waxaa ay haweeneeydaasi ka codsatay darawalada gaadiidka wada in ay si taxadar leh u wadaan gaadiidka marka ay marayaan goobaha ay ku badan yihiin dadka shacabka ah.

Cabashada waalidiintani ayaa ka danbeeysay kadib markii shalay galinkii danbe uu gaari Blka ah ku jiiray deegaanka Ceelasha Biyaha Labo caruur ah oo mid ka mid ah uu ku geeriyoday mid kalena uu dhaawac halis ah uu ka soo gaaray.